شروحات

شرح المشروع البحثي لطلاب الجامعات‏‏‏‏‏‏‏‏‏‏‏‏‏‏‏‏‏‏‏‏‏ بطريقة سهلة جدا وبسيطة !

المشروع البحثي لطلاب الجامعات

المشروع البحثي لطلاب الجامعات تعرف على مجموعة من الخطوات التى ستحتاجها لفهم موضوع البحث الجامعى لطلبة الكليات والجامعات والمعاهد العليا .

لازم تكون عارف :-

  1. ان البحث دا مش مشروع تخرج او تقدير على المشروع بتاعك .
  2. انت بتتقيم على المشروع البحث ي ناجح ي راسب ومش بينضاف للتراكمى الخاص بمجموعك.
  3. كل جامعة هتعلن عن تفاصيل ومعايير البحوث وهيكون الكلام دا بحد اقصى يوم 07-05-2020
  4. كل مادة هيكون ليها مشروع بحثى خاص بيها مش زى الثانوى بحث واحد لكل المواد , وطبعا دا عشان احنا طلبة جامعات .
  5. كل دكتور مادة هيعمل 5 نماذج لمشروعات بحثية من المقرر وهيكون معظمها من بنك المعرفة .

ازاى هتسلم المشروع البحثي لطلاب الجامعات ؟

هتسلم البحث  عن طريق إيميل الكترونى هيحددهولك الكلية بردو وا الجامعة بتاعتك .

وهيتحدد الاميل لكل فرقة فى الكلية وهتبعت بحثك علية .

وطبعا الكلية بتاعك هتعرفك ازاى تتواصل مع الدكتور او ازاى تتواصل مع الموقع دا ف متقلقش .

تقسيم المشروع البحثي لطلاب الجامعات هيكون ازاى ؟

طبعا احنا اعرفين ان البحث هيكون عباره عن ورق كتابه وفى الاغلب هتكتبه على الوورد على الكمبيوتر ف ازاى بقا هنقسم الورق دا تاع معايا

الصفحة الأولى (عنوان البحث)
  • ودي بتكتب فيها عنوان البحث بتاعك إللي هتختاره من النماذج إللي كنترول الفرقة بتاعتك هاتنزله
  • الأسم، الرقم القومي،
  • الرقم الجامعي،
  • إسم الكليه،
  • الفرقة، الشعبة،
  • إسم البرنامج،
  • إسم المقرر

وطبعا طريقة تنظيم للصفحه الاولى هيكون عليها 10% من التقييم وعشان زى ما قلنا دا سقوط ونجاح ف هنحاول نجيب تقييم كويس 10% من التقييم مش شويه فلازم تهت بيهم بردو .

وعلى فكرة تنظيمهم سهل جدا .

الصفحة التانية ( مقدمة البحث)
  • تتب مقدمة بشرط متزدش عن 100 كلمة ودى فى الاغلب هيكون عليها 10% من التقييم كمان ف اهتم بيها
الصفحة الثالثة ( عناصر البحث)
  • متزودش عن 5 عناصر ودى بردو عليها 10% من التقييم

يعنى انت كدا لو ظبط اول 3 ورقات ف انت هتكون ظبط 30% من البحث بتاعك ودا طبعا عشان كل الطلبة تنجح ف انت لازم تهتم بكل حجاه فى البحث .

ابتدأ من الصفحة الرابعة ( متن البحث)
  • ودي إللي بتجاوب فيها على الاسئله إللي في نموذج البحث
  • بشرط ان تكون عدد الكلمات من 500 إلى 750 كلمة
  • ودي عليها 40٪ من التقييم
  • وطبعا الصفحه الربعه ممكن تكون اكتر من صفحه عادى المهم احنا هنفترض انها صفحه واحده عشان تكمل باقى خطوات البحث ماشى ؟
الصفحة الخامسة ( النتائج والملاحظات)
  • بتكتب فيها نتاج البحث والملاحظات العلمية فيه
  • ودي بتكون أسئلة صريحة محدده في النموذج
  • بشرط لا تزيد الإجابة عن 100 كلمة
  • وبيكون عليها 20٪ من التقييم
الصفحة السادسة والاخيرة ( المصادر)
  • بتكتب فيها المصادر والمراجع بتاعتك سواء من بنك المعروفه او من كتاب الدكتور او من كتاب آخر خاص بالمادة
  • وبيكون عليها 10٪ من التقييم

كدا احنا وصلنا لى 100% من التقييم  طيب دلوقتى احنا فهمنا البحث هيكون ازاى تعالى نعرض شويت اسأله ونجاوب عليها عشان نفهم اكتر وعشان متقفش فى اى حاجه

اسئله مهمه جدا مع الاجابة !

الا متحانات كده رسمي اتلغت وهيكون المشروع البحثي لطلاب الجامعات هو المقيد بيه؟

ايوه خلاص معدش فى امتحانات

اعرف منين القرار؟

من الجامعة والدكاترة هتقولك كل حاجة

لو لقدر الله سقطت فيه او مقدرتش اعمله او اسلمه اي حاجه اي هيحصل؟

هتعيده تاني وهكذا لو امتحان الكتروني هتعيده تاني لو لقدر الله في المره الثالثه سقطت تبقى شيلت الماده

ممكن فعلا اسقط؟

ده مستبعد في الابحاث دي لاننا بنقولك الدكتور هيفهمك كل حاجه بس انت متجودش من نفسك وتتفزلك خليك في السليم وتابع اول باول جروب الدفعه

وكمان بنقولك ان 30% من البحث على اول 3 ورقات ودول محدش مش هيعرف يعملهم يعنى ازاى هتسقط ؟

عندي تخلف من السنه اللي فاتت همتحن ازاي؟
  • دي بقا هاتختلف من جامعة لجامعة
  • في جامعات هاتعمل بحث في مواد التخلف
  • وفي جامعات هتاجل إمتحان التخلف تمتحنه لما الوضوع يتحسن إن شاء الله
طيب انا كواحد عندي تخلف في ماده من السنه اللي فاتت اروح لمين بقى ؟

هتروح لدكتور ماده السنه اللي فاتت وتقعد زاي الشاطر في جروب السنه اللي فاتت وتشوف هيعملو ايه وتعمل زايهم وتستنى الجامعه تقولك تعالى سلم بحثك اذن اي ماده من سنه سابقه هتابع مع دكتور السنه السابقه اللي بيدي الماده ليهم.

او لو كانت الجامعة هاتمتحنك فا استنا بقا معاد تحديد الإمتحانات .

اي ماده تخلف يعني لو معايا من سنه اللي فاتت واللي قبليها ماده برده تانيه يعني اعمل ايه؟

اي ماده تخلف هتعمل فيها بحث

انا جايب قران بالنسبه لطلاب الأزهر ؟

القران للاسف هتمتحنه السنه الجايه معلش ليك وقت تحفظه

طيب القران بقى هنعمل فيه ايه يابتوع الأزهر ؟

القران بقى الازهر مرداش يلغيه قال هتمتحنه السنه الجايه تحريري فقط ويبقى فيه ناجح او راسب

يعني قران تالته هتمتحنه في رابعه تحريري فقط وهكذا

ملحوظه هامه”اللي عنده تخلف قراااان هيمتحن تلات مرات (التخلف+السنه اللي دي+السنه الجديده)😁

انا طالب عندي عملي ايه اللي هيحصل؟

هيتاجلك العملي لحد ما حظر الدراسه يترفع ممكن بعد العيد ولو منفعش مثلا هتاخده اول السنه الدراسيه الجديده مع العلم انه هيبقى برده ملوش تقدير يعني يناجح ياراسب

مجبش سيره طلاب طب؟

حاجتين اولهم ان الفرق الرابعه والخامسه والسادسه فرق نهائيه

“ملحوظه هامه”هناك طلاب فرق لائحه حديثه بها بعض التعديلات فنرجوا الرجوع الى الكليه في معرفه ذلك

الطلاب الوافدين تُعامل معامله الطلاب المصرين بالاكتفاء بالبحوث والتقدير هو تقدير الترم الاول فقط

بالنسه لدرجات الرأفه؟

هتخدها متقلقش لكن لازم الماده درجه الرأفه فيها متكترش عن ١٠درجات فقط

مواد التخلف من السنه دي ايه بقى؟

هاتمتحنها السنه الجايه مع مواد التخلف العادي

 

معلومات مهمه بقا لازك تكون عارفها بردو

  1. غالبا امتحانات الفرق النهائية والتخلفات هاتكون في شهر يوليو او أغسطس بس لحد دلوقت مافيش معاد محدد او هاتكون بعد انتهاء فترة تعليق الدراسة 30/5/2020

 

دا بقا مثال بسيط كدا لموضوع النموزج عشان لو كليتك لسه محددهولكاش .

 

الوسوم

omar adel

انا عمر عادل طالب بكليه الهندسه المعماريه عمرى 23 سنه احب جدا مجال التقنيه والهواتف الذكيه والتطبيقات وكذلك العاب الاندرويد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق