سلسلة افضل العاب

افضل العاب البلايستيشن والاكشن لعبة Contra Returns للاندرويد

لعبة Contra Returns هي اصلا واحدة من اقدم العاب الاكشن والحروب وكانت عبارة عن لعبة تقدر تلعبها بشكل فردي او زوجي مع صاحبك او اخوك وكانت بتتشغل علي جهاز الاتاري العادي اللي كان بيتوصل بالتلفزيون حاجة كدة شبيهة باجهزة البلايستشن في الفترة الحالية وهي كانت عبارة عن لعبة بتظهر في بعض المراحل بشكل افقي في اتجاه واحد وبيقابلك خصومك علي عكس اتجاه حركتك وفي بعض المراحل التانية كانت بتلعبها بشكل افقي ودي كانت الحركة فيها افقية فقط شمال ويمين عشان تتجنب ضربات الخصوم وبعد القضاء عليهم تماما بتنتهي المرحلة .

اسم اللعبة Contra Returns
نوع اللعبة العاب الاكشن
الشركة المطورة للعبة KONAMI + TiMi Studios
حجم اللعبة غير متوفر
اصدار اللعبة غير متوفر
النسخة الرسمية (من متجر جوجل بلاي)تسجيل مسبق من جوجل بلاي
متطلبات التشغيلغير متوفر
التقييم علي متجر جوجل بلايغير متوفر
عدد مرات التحميل من متجر جوجل بلاي غير متوفر

وبمجرد ذكر كلمة contra لاي حد من جيل التسعينات ده لوحده كفيل انه يحرك ذكريات الطفولة عنده لان دي كانت اللعبة الاشهر والاكثر انتشارا في نهاية التسعينات وبداية الالفينات يعني مثلا تقدر تقول انها كانت زي ببجي موبايل او فري فاير في الفترة الحالية وكانت بتتلعب علي الاتاري العادي الي هو كان بيتوصل بالتلفزيون .

كان في العاب كتير مشابهة ليها وبالذات مع بداية انتشار البلايستيشن 1 كان في لعبة شهيرة جدا اسمها Metal Slug X وكانت مشهورة بين العرب او المصريين بالتحديد بلعبة حرب الخليج واكيد اغلبنا زوغ كتير من المدرسة او الدروس وراح لعبها في محلات البلايستشين اللي كانت منتشرة جدا مع بداية الالفينات 2001 او 2002 .

المهم يا اصدقائي انه بعد اكتر من 30 سنة قررت الشركة المالكة لحقوق لعبة contra انتاج اصدار جديد من اللعبة متوافق مع اجهزة الموبايل تحاول من خلاله تدخل المنافسة الموجودة حاليا اللي بدات بين العاب كتير زي ببجي موبايل وفري فاير وغيرها من العاب الموبايل اللي ظهرت في الكام سنة الاخيرة .

وطبعا واضح ان الشركة واخدة الموضوع علي محمل الجد وده واضح من الفيديو الترويجي اللي حطته الشركة علي متجر جوجل بلاي في مكان التسجيل المسبق للعبة واللي ظهر من خلاله بعض الملاحظات زي سلاسة اللعبة ممتاذة جدا بالاضافة كمان انهم اعلنوا ان اللعبة بتشتغل علي HD بمعني انك هتلعب علي اعدادات جيرافيك قوية جدا لا تقل عن ببجي موبايل وفري فاير وغيرهم من العاب الموبايل الشهيرة الموجودة في الوقت الحالي .

كمان حاجة مهمة جدا عملتها الشركة المنتجة للعبة contra returns وهي انها اتفقت مع شركة TiMi Studios عشان تطورلها اللعبة واللي ميعرفش الشركة دي فهي الشركة اللي عملت الاصدار الخاص بالموبايل بتاع لعبة Call Of Duty: Mobile .

اللعبة حاليا متاحة فقط للتسجيل المسبق لكنهم اعلنوا ان اللعبة هتنزل علي متجر جوجل بلاي الامريكي يوم 26/يوليو يعني باقي تقريبا اقل من شهر وكمان لازم تاخد بالك لو انت في مكان غير امريكا مش هتقدر تحمل اللعبة بشكل مباشر من المتجر لكن في طرق تانية كتير تقدر من خلالها تحميل اللعبة وتجربتها .

اللعبة حاليا في مرحلة التسجيل المسبق بمعني انك هتدخل علي الرابط التالي هيحولك علي متجر جوجل بلاي هتلاحظ ان مكان كلمة تثبيت كلمة تانية “تسجيل مسبق” هتضغط عليها وبكدة اول اللعبة متنزل علي المتجر هتتثبت علي موبايلك بشكل تلقائي .

رابط تحميل لعبة Contra Returns للاندرويد.

رابط تحميل لعبة Contra Returns للايفون.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى