العاب رعبسلسلة افضل العاب

اقوى العاب الرعب للاندرويد (Identity V) .

يسعدني ان اقدم لكم من خلال مقال اليوم اقوى العاب الرعب للاندرويد (Identity V) واحدة من افضل واشهر العاب الرعب الموجودة علي متجر تحميل تطبيقات والعاب الاندرويد “جوجل بلاي” حيث ان هذه اللعبة مليئة بالاثارة والغموض وتحتاج الي ممارسة ومجهود كبير حتي تتمكن من احترافها ولكن لا تقلق يا صديقي سوف نقدم لك شرح مفصل لهذه اللعبة من خلال مقال اليوم فتابع معنا هذا المقال حتي النهاية .

اقوى العاب الرعب للاندرويد (Identity V) .

لعبة اليوم يا اصدقائى هى واحدة من الالعاب التى تجمع بين الرعب والاكشن واللعبة حجمها 4 جيجا تقريبا وتبدا احداث القصة مع ظهور كاتب روائى اسمة ( اورفيس ) وبيحكى انة تعرض لحادث اثر على قواة العقلية وادى الى اصابتة بضعف شديد فى الذاكرة وعلشان كدة هو مبقاش بيكتب روايات زى الاول فقرر انة يغير مجال عملة ويشتغل كمحقق ولكن للاسف مكنش بيجيلة شغل في مجاله جديد .

معلومات عن اقوى العاب الرعب للاندرويد (Identity V) .

اسم اللعبة Identity V
نوع اللعبة اكشن + رعب
الشركة المطورة للعبة NetEase Games
حجم اللعبة 4 جيجا
اصدار اللعبة 1.0.812877
الاصدار الرسمي من متجر جوجل بلاي
متطلبات التشغيلاندرويد 4.1 او احدث
التقييم علي متجر جوجل بلاي 4.1
عدد مرات التحميل من متجر جوجل بلاياكتر من 10 مليون عملية تحميل

بيتفاجئ صديقنا اورفيس برسالة من شخص اسمة (جيمس )بيطلب منة المساعدة فى العثور على بنتة الى اختفت وشافوها اخر مرة قدام قصر مهجور وحسب احداث القصة القصر دا مرعب بشكل كبير لدرجة ان الشرطة رفضت تساعد الراجل فى البحث عن بنتة داخل القصر فبيضطر اورفيس انة يقبل انة يساعد الراجل ويروح على القصر ويحاول انة يحل القضية ويساعد الراجل فى العثور على بنتة .

بيدخل اورفيس الى القصر وبيبدا فى تجميع معلومات تساعدة فى حل القضية علشان يلاقى اوراق ومستندات بتفيد بانة وقع فى كمين وانة مفيش بنت ضايعة ولا حاجة وان صاحب القصر عامل زى لعبة كبيرة وبيبعت لاشخاص محددة علشان يشاركوا فيها وكان صاحبنا اور فيس واحد من ضحايا الراجل صاحب القصر .


مع دخول اورفيس الى هو كان كاتب روائى واشتغل كمحقق واتكلمنا عنة فى اول المقال تبدا تظهر لة بعض المهام زى انة يتبع اثر يظهر امامة على الارض او انة يولع بعض الشموع وغيرها من المهام البسيطة الى بيعملها داخل القصر والى لما بيخلصها بينتقل لمرحلة تانية الى اشبة بمرحلة تدريبية للعبة بحيث انك تنتقل لمكان الى بتدور فية احداث اللعبة .

شرح اقوى العاب الرعب للاندرويد (Identity V) .


كل الى احنا اتكلمنا عنة كان نبذة بسيطة عن اللعبة وكان فى بعض المعلومات الى ممكن تفيدك وتخليك فاهم قصة اللعبة الى حدا ما طريقة اللعبة بتبدا من مكان مقفول وبتتكون من 5 شخصيات اساسية 4 منهم مطالبين بالهروب من المكان ودول اسمهم المطاردين والشخصية الخامسة هى شخصية الهانتر او الصياد ودا مهمتة انة يمنعهم من الهروب ويخرجهم من اللعبة زى ما هنوضح بعد شوية .

علشان يتمكن المطاردين الاربعة من الهروب بيحتاجو انهم يفكوا شفرات الخمس الات الموجودة فى مكان الاحتجاز لازم تاخد بالك وانت بتفك شفرات المكن ممكن جدا الصياد يهاجمك ويحتجزك طيب لما الصياد بيحتجزك بياخدك ويحطك على اقرب كرسى وبيكون معاك وقت محدد علشان باقى الفريق بتاعك ييجى وينقذك ولو اتاخرو عنك شواية الكرسى دا بيطيرك فى السما وبينتهى دورك فى اللعبة .

يبقى علشان انت وفريقك تكسبو لازم تفكو شفرات الخمس ماكينات وبعدين تتوجهو الى البوابات وتفتحو الرقم السرى الخاص بيها علشان تقدرو تهربو وتكسبو المرحلة بنجاح ولو انت اخدت شحصية الهانتر او الصياد لازم تمسك كل اعضاء الفريق وتحطهم على الكرسى وتمنعهم من مساعدة بعض علشان انت ممكن بعد ماتربط واحد من الفرق ييجى زملاءة ويساعدوة ويكوة ويضيعو مجهودك .


كمان لازم تاخد بالك لو انت لاعب فى الفريق انة الصياد بيجيلة اشعار لو حصلت مشكلة وانت بتفك شفرة الماكينة وبيقدر يحدد انت موجود عند اى ماكينة بالتحديد وممكن جدا يجيلك هناك ويمسكك وطبعا انت عارف هيحطك فين .

كمان لو نطيط من على مكان عالى بيجيلة اشعار بالمكان الى انت فية ، طبعا شخصيات اللعبة مختلفة عن بعضها وكل شخصية ليها مميزاتها وكمان ليها عيوبها على سبيل المثال هنتكلم عن الشخصية (بيرفيومر) وهى عبارة عن واحدة فرنسية اسمها الحقيقى (فيرانير )وبالتحديد من مدينة جراس الفرنسية المشهورة بتصنيع العطور وهى فى الاصل صانعة عطور مشهورة .

وفى يوم من الايام بيجيلها رسالة عن طريقة تركيب واحدة من اندر انواع العطور الموجودة والعطر حسب احداث اللعبة عندة القدرة انة ينسيك مشاكلك وهمومك فاخذت (فيرا )الوصفة وراحت انتجت العطر ولكن الوصفة مكنتش كاملة ودا اتسبب فى اختفاء ريحة العطر بسرعة فقررت انهاتروح على العنولن الى انبعت منة الجواب ودى كانت الحيلة الى استدرج بيها صاحب القصر فيرا صانعة العطور الى القصر علشان يدخلها اللعبة زى ماعمل مع الكاتب الرواءى الى اتكلمنا عنة فى بداية المقال .

طيب لو قررت تلعب بشخصية بيرفيومر مع بداية اللعبة هيكون معاك 3 عطور ال 3 عطور دول هيفيدوك جدا فى اللعبة ضد الصياد ولكن لازم تستخدمهم بطريقة صحيحة بنستخدم العطر علشان نمحى بية ضربة الهنتر الاولى لان الهنتر علشان يتمكن من انة يمسكك ويحطك على الكرسى لازم يضربك ضربتين فلما الهنتر يقرب منك وخلاص هيضربك الضربة الاولى انت بتدوس على البرفيوم وبعد مايضربك بتدوس على البرفيوم مرة تانية فبترجع للمكان الى انت دوست فية على البرفيوم اول مرة وبترجع سليم كانك منضربتش ودا طبعا لان البرفيوم نساك همومك والامك .

كمان اكتر من حيلة ممكن تطبقها بالبرفيوم وهى ان لو الهنتر بيجرى وراك وانتو فى مكان عالى بتدوس على البرفيوم قبل ماتنط وبعد ماننزل ونتاكد ان الهنتر بيجرى وراك فنضغط على البرفيوم مرة اخرى بيرجعك للمكان الى انت كنت فية لما ضغط على البرفيوم اول مرة وبكدة بتكون هربت من الهنتر وخدعتة لكن احذر وتاكد كويس ان الهنتر نزل وراك الاول لان الهنتر لو لاعب قديم وفاهم اللعبة كويس هيتوقع الحيلة الى انت هتعملها وممكن يستنى شواية فوق فلما هترجع تانى فوق الهنتر هيمسكك وطبعا هياخدك يربطك فى الكرسى .

كمان هنلاحظ ان الشخصيات فى اللعبة منقسمة الى 4 انواع النوع الاول هو kiters والنوع التاني decoders والنوع التالت support والنوع الرابع saver وخلونا نتكلم عن كل نوع منهم ونوضح مهمته .

انواع الشخصيات الموجودة في اللعبة .

kiters : هم عبارة عن شخصيات عندهم مهارة المراوغة والهروب من الهنتر وطبعا الموضوع مش سهل ومحتاج ممارسة كبيرة للعبة فيفضل ان اقدم واحد فى التيم هو الى يكون الكيترز

decoders:ودول شخصيات عندهم مهارة عالية فى فك شفرة الالات الموجودة فى الماب

support :ودول وظيفتهم فى التيم انهم يعالجو اصحابهم او يطلعوهم من مواقف صعبة فى اشغال الهنتر لما يقرب من زمايلهم ويكون خلاص هيضربهم

savers :اما السيفرز فهم عبارة عن اصحاب مهمة انقاذ اعضاء الفريق الى الهنتر بيضربهم ويربطهم فى الكرسى الطاير علشان يرجعو للعبة مرة تانية

‘طبعا بم ان اللعبة من العاب الرعب فالعبة مليانة بالاسرار وفيها غموض كتير جدا وهتجتاج لوقت كبير علشان تتعرف على نقاط الضعف والقوة لكل شخصية من الشخصيات الموجودة داخل اللعبة سواء كان من المطاردين او من الهنتر فمع الوقت وكتر اللعب هتلاقي نفسك بقيت واحد من المحترفين في اللعبة .

رابط تحميل اقوى العاب الرعب للاندرويد (Identity V) .


فيديو مقترح من قناتنا علي اليوتيوب .

بلغ عن رابط لا يعمل او مشكلة تواجهها .

وبكدة يا اصدقائي نون وصلنا لنهاية مقال اليوم بخصوص اقوى العاب الرعب للاندرويد (Identity V) ، اذا واجهتك اي مشكلة يمكنك التواصل معنا عبر التعليقات .

قد يعجبك ايضا :-

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى