سلسلة تطبيقات الأندرويد

تحميل لعبة The Return ( Forbidden Throne ) بدون انترنت

اللعبة من انتاج سنة 2019 يعني بقالها سنتين تلاتة ونزلها تحديث تصحيح بعض الاخطاء اللي ظهرت فيها بعد شهر تقريبا لانها نزلت في شهر 9 2019 والتحديث نزلها في شهر 10 من نفس السنة صلح بعض المشاكل اللي كانت فيها زي تصحيح معدل الخبرة المطلوبة عشان تعدي المستويات بالاضافة الي تعديل وضعية الكاميرا وتصحيح بعض الموازنات في اللعبة زي الضرر الي بيسببه بعض الخصوم والاعداء داخل اللعبة ، اللعبة احصائيتها مش بطالة علي متجر جوجل بلاي تقييمها عالي 4.5 لكن عدد مرات تحميلها قليل شوية حوالي 100 الف عملية تحميل .

اسم اللعبة The Return ( Forbidden Throne )
نوع اللعبة العاب اكشن
الشركة المطورة للعبة Studio_Puppeteer
حجم اللعبة حوالي 200ميجا
اصدار اللعبة 0.1
الاصدار الرسمي (من متجر جوجل بلاي)من متجر جوجل بلاي
متطلبات التشغيل اندرويد 5.0 او احدث
التقييم علي متجر جوجل بلاي 4.5
عدد مرات التحميل من متجر جوجل بلاي اكثر من 100 الف عملية تحميل

تحميل افضل العاب اوفلاين للاندرويد 2021 (لا تحتاج انترنت).
  • قصة اللعبة بتدور حولين الشخصية الاساسية اللي هو كان في الاصل ملك ولكن خرج من المدينة بهدف انه يتعلم ويكتسب خبرات لكن حصله بعض المشاكل اللي منعته انه يرجع للمدينة الا بعد سنين كتير عشان يتفاجئ ان في ملك تاني اخذ مكانه ويبدء صراعه عشان يسترد العرش بتاعه مرة تانية .
  • ومن هنا بتبدء احداث اللعبة الي هي عبارة عن ثلاثة قسمين منهم مفتوحين تقدر تلعبهم وقسم تالت غير مفتوح ومكتوب عليه انه هيفتح قريبا القسمين المفتوحين عبارة عن وضعين مختلفين لطريقة اللعب.
  • challenge
  • story

وضعية challenge عبارة عن ساحة واحدة بيظهرلك فيها خصوم ضعيفة لكن مع كل مرة بتقتل فيها الخصوم بيظهرلك خصوم اقوي لغاية متوصل لمرحلة انك خلاص مش قادر علي خصومك وتموت وطبعا هو مكان مميز عشان تقدر تجمع منه خبرة كويسة تفيدك في الصعود للمستويات بشكل اسرع وكمان مكان كويس يتقيس بيه قوتك وقد ايه انت اتطورت في اللعبة مع الوقت .

الوضعية الثانية وهي story عبارة عن مراحل بنضغط علي كلمة story وبعدين هتظهرلنا الخريطة اللي لازم نعدي علي كل المراحل الخاصة بها عشان يوصل البطل للقلعة ويسترد العرش بتاعه مرة تانية ، بنضغط علي العلم بيحصل zoom للمرحلة وبنضغط علي المرحلة الاولي ونضغط علي كلمة paly عشان يبدء البطل معركته الاولي في محاولته للوصول الي العرش واسترداد ملكه مرة تانية .

اللعبة سهلة وبسيطة جدا موجود علي الشمال مكان اللي بنحرك بيه الشخصية ونوجها بيه شمال ويمين والي الامام والخلف وموجود علي اليمين الضرب العادي بالاضافة الي اربع مهارات تقدر تستخدمهم ضد خصومك علي حسب الموقف اللي هتكون فيه كمان موجود فوق علي اليمين عملات اللعبة بالاضافة الي ترس الاعدادات الي بنقدر من خلاله نعدل علي جيرافيك اللعبة بين العادي والمتوسط والقوية كمان نقدر نفتح او نقفل صوت الموسيقي او صوت تاثيرات الضرب .

كمان موجود فوق علي اليسار صورة الشخصية بالاضافة الي مستواها وموجود شريط الحياة اللي بيقل مع ضرب الخصوم ليك وتحته الشرط الازرق او اللبني وده شرط خاص بالمهارات الاربعة الاضافية بيقل لما تستخدمهم ولما بينتهي مبتقدرش تستخدم المهارات الا بعد ملئ الشريط مرة تانية وهو طبعا بيتملي بشكل تلقائي لكنه بطئ شوية .

كل مرحلة من مراحل اللعبة متقسمة علي عدة مراحل مفصول بينهم ببوابات لازم تتخلص من كل الخصوم الموجودة قبل البوابة عشان تفتح وتقدر تعدي للجزء التاني من نفس المرحلة في الغالب بعد كل بوابة هيظهرلك شجرة تضربها وينزلك منها ثمرة بترجع نقاط حياتك كاملة مرة تانية لكن ده مش موجود بعد كل البوابات .

اللعبة محتاج سرعة حركة وسرعة بديهة وحسن تصرف يعني مثلا هتلاحظ من خلال ممارستك للعبة ان في خصوم بعيد عنك وبيضربوك من اماكن بعيدة زي الضرب من برج عالي مثلا لازم تتابع البرج كويس وهتلاحظ وجود حبل مربوط في الارض لو قطعته هيقع صخرة علي راس اللي بيضربك ويموت فلازم تكون حريص ومنتبه للخصوم اللي بتضربك لان في طريقة محددة هيموت بيها حتي لو انت مش قادر توصل لمكانه .

علي الرغم من ان اللعبة اوفلاين الا انه يفضل تلعبها وانت متصل بالانترنت وده لسبب هيساعدك في اللعبة وهو انك لما تموت في مرحلة وخلصت العلملات اللي معاك اللي بتقدر من خلالها تعمل لنفسك اعادة احياء تقدر تعمل لنفسك اعادة احياء عن طريقة مشاهدة فيديو اعلاني هيساعدك في انك تبدء من نفس المكان بدل متبدء من بداية المرحلة .

رابط تحميل لعبة The Return ( Forbidden Throne )

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى